Ef húsið er hreint þá er það svo sannarlega ekki skítugt

Við fjárfestum sko í ryksugu um daginn. Við erum búnar að nota hana mjög mikið. Gólfin eru nefnilega mjög gróf hjá okkur svo það er ekki fræðilegur möguleiki að skúra þau. Ég og Sif erum búnar að fá fimmtíu flísar hvor. Sif samt ábyggilega hundrað. Ég held hún dragi lappirnar meira á eftir sér en ég. Ég er svo mikið lamb, ég hoppa bara um. Sif er meira letidýr og svona dregst eftir gólfinu. Eða slanga. Halla er búin að fá svona tvær flísar eða eitthvað. Ég ætla að draga þá ályktun að hún sé með vængi. Hún flýgur hérna um þegar ég og Sif sjáum ekki til.

En já. Taka til.

Þetta er búið að vera voða random hjá okkur. En við eigum ryksugu núna og moppu og tuskur og allskonar kemísk efni sem eru ábyggilega stór hættuleg, mannskemmandi og heilsuspillandi. Þessi óregla var farin að fara illa með mig, ég missti úr svefn því ég vissi ekki hver ætti skeiðina sem væri óvöskuð upp inní eldhúsi og hver ætti glasið inní stofu sem var búið að standa þar í þrjá daga. Síðan missti einhver mat á milli fjalanna og það hafði sprottið upp sítrónutré í miðri stofunni og býflugnabú inní sófanum og guð veit hvað. Einn morguninn voru bláir fuglar byrjaðir að klæða okkur í fötin og ég stóð sjálfa mig að því að reyna við frosk í örvæntingafullri von um að hann væri prins.

Þess vegna ákvað ég að búa til þrifaplan. Hér er það. Einfalt og einkar huggulegt. Það geta kannski einhverjir ættleitt þetta plan og gert að sínu eigin. Ég læt fylgja með leiðbeiningar og eina lífs lexíu sem að ég uppgötvaði einn daginn.

____________________________________________________________________________________________

Ef húsið er hreint þá er það svo sannarlega ekki skítugt!
                   – Katrín Aagestad Gunnarsdóttir

Það er mælt með því að þrífa á sunnudögum eða eitthvað. Skúra eða ryksuga og þurrka af. Gluggakistur gleymast oft eins og maðurinn sagði. Síðan skal krota yfir nafn sitt þegar verki er lokið til að undirstrika afrek sem hafa verið gerð í heimilisstörfum. Katrín Aagestad Gunnarsdóttir sérstakur rannsóknaraðili frá heilbrigðiseftirlitinu í Kaupmannahöfn mun yfirfara verkin að þeim loknum og gefa einkunn í formi broskarla eftir frammistöðu. Broskarlar þessir gefast á bilinu 1-3. Sá aðili með flesta broskarla í lok hvers tímabils hlýtur titilinn klósettbursti mánaðarins. Við erum jafnréttissinnar svo broskerlingar verða einnig gefnar. Ein broskerling jafngildir einum broskarli.

               ELDHÚS                                        BAÐHERBERGI                                        STOFA

Vika 6      Sif                                                                        Katrín                                                                  Halla

Vika 7      Halla                                                                    Sif                                                                         Katrín

Vika 8      Katrín                                                                  Halla                                                                     Sif

Vika 9      Sif                                                                        Katrín                                                                  Halla

Vika 10    Halla                                                                    Sif                                                                         Katrín

Vika 11    Katrín                                                                  Halla                                                                     Sif

Vika 12    Sif                                                                        Katrín                                                                  Halla

Vika 13    Halla                                                                    Sif                                                                         Katrín

Vika 14    Katrín                                                                  Halla                                                                     Sif

Vika 15    Sif                                                                        Katrín                                                                  Halla

 

Tandurhreinar kveðjur

Katrín!

Og munið eftir tannþræðinum

8c265a3d22b664b89c5b89645bb86b75

Þrifakötturinn dæmir skítugu herbergin ykkar.

Share Post :

More Posts